Pas shkatërrimeve të konsiderueshme që la pas uragani Harvey dhe Irma në SHBA, brigjet lindore te kontinentit amerikan kërcënohen sërish nga tre stuhi të fuqishme të kategorisë së pestë. Qendra kombëtare e uraganeve paralajmëron se uragani “Maria”, stuhia tropikale që tronditi të shtunën por pa dëme të mëdha, pritet të rikthehet më e fuqishme mbrëmjen e së hënës, duke sjellë dëme përtej parashikimeve.
Nga kjo qendër paralajmërojnë se një tjetër uragan me emrin “Lee”, ka përfshirë të shtunën pjesën lindore. Sipas parashikimeve, syri i uraganit do godasë kryesisht zonat e përfshira më parë nga uragani Irma, nga ishujt Liuard e më pas të zhvendoset në Porto Riko dhe Republikën Domenikane.
Uragani Hose, një stuhi e kategorisë së parë, parashikohet të sjellë erëra dhe shira të dendur deri të hënën. Stuhitë e fuqishme kanë shkatërruar ishujt e karaibeve. Ishulli Barbuda, për herë të parë në 300 vjet është braktisur plotësisht. Panorama që ofrojnë ishujt, dikur të cilësuar si parajsa mbi tokë, është vetëm një hapësirë mbushur me gërmadha të pabanuara.
Një vit më parë, uragani Matju, një tjetër stuhi e kategorisë së pestë ka shkaktuar dëme të mëdha në ishujt Karaibe, duke lënë më shumë se 500 persona të vdekur.
