Presidenti i SHBA Donald Trump nuk e bështet idenë që amerikanët të përdorin maskat mbrojtëse për parandalimin e përhapjes së pandemisë, ndaj kërkon që një gjë e tillë të mos bëhet taksative.
DONALD TRUMP
PRESIDENT I SHBA“ Unë besoj tek maskat. Mendoj se ato bëjnë mirë, por nuk jam dakord me idenë se nëse të gjithë vendosin maska, gjithçka do të zhduket. Unë dua që njerëzit të kenë një liri të caktuar dhe nuk jam që kjo të shndërrohet në një kërkesë ligjore.”
Në një interviste për “Fox News Sunday”, Trump tha se eksperti kryesor i vendit për sëmundjet infektive Anthony Fauci, dhe Mjeku i Shtëpisë së Bardhë Jerome Adams, në flillim të pandemisë i këshilluan qytetarët të mos mbanin maska, dhe tani ata krejt papritur, kërkojnë që qytetarët amerikanë të mbajnë maska.
Trump shtoi se edhe vetë maskat mbrojtëse, shkaktojnë probleme.
Dhjetra guvernatorë në SHBA dhe kryebashkiakë i kanë detyruar qytetarët e tyre të mbajnë maska në publik, për shkak të rritjes së shifrave të personave të infektuar.
Lidhur me shifrat rekord, Presidenti Trump tha se SHBA regjistrojnë tw dhwna të larta për shkak të numrit të madh të testimeve të kryera.
Amerika mbetet epiqendra e koronavirusit, me më shumë se .3.7 milionë të infektuar, ndërsa më shumë se 140 mijë persona kanë humbur betejën me Covid 19.
