Presidenti i sapozgjedhur amerikan Donald Trump i është rikthyer njërit prej premtimeve te fushatës elektorale per te larguar nga vendi emigrantet e paligjshëm. Duke folur ne nje interviste per televizionin CBS, Trump tha se fillimisht do te dëboje ose burgose 3 milionë emigrante.
“Ajo qe do te bëjmë është qe njerëzit qe jane kriminele dhe kane rekorde kriminale, pjesëtare te bandave apo trafikante droge, qe janë thuajse 2 apo 3 milionë do t’i dëbojmë nga vendi, ose do t’i burgosim”.
Trump foli edhe per nje tjetër premtim te fushatës, ate te ndërtimit te nje muri ne kufirin me Meksikën. Ne kete pike, plani tij ka pësuar nje ndryshim.
“Ndërtimi i nje muri është me i përshtatshëm ne disa pjese te kufirit me Meksikën, por ne disa pjese do te ishte me mire te kishte gardh. Pasi te kemi siguruar kufirin, do te bëjmë vlerësimin e emigranteve te tjerë qe jetojnë këtu ilegalisht.”
Ne SHBA jetojnë 11 milionë emigrante te paligjshëm, shumica prej te cilëve vijnë nga Meksika. Gjatefushatës Trump premtoi te forcoje ligjet per emigracionit dhe te dëboje emigrantet pa dokumenta te rregullta.
