Mjeku Tritan Kalo u bëri edhe një herë thirrje qytetarëve që të bëjnë kujdes dhe të mos harrojnë se koronavirusi është ende i pranishëm. Përmes një postimi në “Facebook”, Kalo renditi katër mënyra sesi mund të mbrohemi nga sëmundja.

“Që jetët tona të jenë sa më të shëndetëshme, kurrë mos të harojmë se rreziku potencial i infeksioneve stinorë, përfshirë këtu edhe Sars-Coc2/Covid-19, është ende si dhe do të jetë i pranishëm për shumë kohë…..Kryeministri i Japonisë është shprehur se 4 (katër) mënyra të të sjellurit të këtij populli ndikuan dhe po ndikojnë edhe pse kanë në përqindje një numër shumë rë madh të moshuarish, që numuri i të sëmurëve dhe i vdekjeve të jenë minimale në raport, me shumë vende socio-ekonomikisht të ngjashme me të përfshirë edhe fqnjin tonë Italinë: 1- mos dhënia e dorës e mos përqafimi, 2- higjiena maksimale personale dhe ajo kolektive, 3- tradita e mbajtjes së maskave në periudha infeksionesh aerogene dhe në ato mjedise ku ka grumbullime njerëzish, si dhe 4- heqja e këpucëve sapo hymë në shtëpitë tona.”

Tritan Kalo deklaroi se qytetarët duhet të tregohen shumë të kujdesshëm si për veten e tyre, ashtu edhe për mjekët.

“Ju respektojmë dhe ju duam shumë, por edhe ju përpiquni të mos e vështirësoni jetën tuaj, si dhe të na shtoni njëkohësisht edhe ne mantelbardhëve si dhe personelit tjetër mjeksor barrën e punëve tona.”

Leave a Reply

Your email address will not be published.