Një vatër zjarri është regjistruar pasditen e kësaj të mërkure në fshatin Voskopojë, në vendin e quajtur “Antenat”.
Sipas informacionit paraprak nga Prefektura e Korçës, drejt zonës janë nisur dy mjete të shërbimit zjarrfikës, një automjet zjarrfikës dhe një mjet “pick-up” me efektivë për ndërhyrje.
Në operacion janë angazhuar edhe forca të Njësisë Administrative Voskopojë, si dhe punonjës të Shërbimit Pyjor.
Për shkak të terrenit të vështirë, automjeti zjarrfikës nuk mund të afrohet pranë vatrës së zjarrit. Një pjesë e efektivëve kanë nisur ndërhyrjen në këmbë, ndërsa pjesa tjetër është në lëvizje drejt vatrës.
Pas vlerësimit të situatës nga drejtuesi i MZSH-së do të koordinohen veprimet e mëtejshme për neutralizimin e plotë të zjarrit. Situata vijon të monitorohet.
/vizionplus.tv
