Protestuesit kanë mbërritur para Drejtorisë së Përgjithshme të Policisë.
Protestuesit kanë hedhur mjete piroteknike, gurë por edhe sende të tjera të forta në drejtim të këtij institucioni.
Mësohet se gjatë hedhjes së sendeve të forta drejt këtij institucioni ka pasur edhe thyerje të xhamave tek porta hyrëse.
Pas qëndrimit prej disa minutash protestuesit kanë nisur marshimin drejt Parlamentit.
Ndërkohë në të gjitha institucionet policia ka marrë të gjitha masat e nevojshme pasi ka një numër të konsiderueshëm efektivësh në rast tensionimi të situatës.
