Kryeministri Edi Rama ka nisur muajin tetor me një apel ndërgjegjësues në rrjetet sociale, duke iu drejtuar grave dhe vajzave në kuadër të fushatës së përvitshme “Tetor Rozë”, që synon parandalimin dhe zbulimin e hershëm të kancerit të gjirit.
Në postimin e tij, Rama thekson rëndësinë e kujdesit për shëndetin dhe i fton të gjitha gratë që të kryejnë mamografinë falas, e cila ofrohet gjatë gjithë muajit tetor në të gjitha poliklinikat dhe spitalet rajonale në Shqipëri.
“MIRËMËNGJES 💗 dhe me thirrjen e përvitshme në çdo #TetorRozë për të gjitha gratë dhe vajzat që të marrin fare pak kohë për t’u kujdesur për veten, duke bërë mamografinë falas… ju uroj një muaj të mbarë”, shkruan ai.
Fushata globale “Tetor Rozë” organizohet çdo vit për të rritur ndërgjegjësimin mbi kancerin e gjirit dhe për të theksuar rëndësinë e diagnostikimit të hershëm, i cili shpëton mijëra jetë në mbarë botën.
/vizionplus.tv
