Probleme në sistemin kompjuterik të palës greke në pikën kufitare të Kapshticës kanë shkaktuar gjatë gjithë paradites së sotme vështirësi dhe vonesa në kalimin e mjeteve nga Shqipëria drejt Greqisë.
Burime nga kufiri bëjnë me dije se për shkak të ngadalësimit të procedurave janë krijuar radhë të gjata automjetesh në dalje, ndërsa qytetarët janë përballur me pritje të zgjatura.
Sipas informacioneve, situata është rënduar edhe gjatë ditëve të fundit për shkak të rregullave të reja të kontrollit dhe verifikimit për hyrjen në vendet e Bashkimit Evropian, çka ka sjellë shtim të kohës së procedurave në kufi.
Autoritetet kufitare po punojnë për normalizimin e situatës dhe për shmangien e fluksit të krijuar në pikën doganore të Kapshticës.
