Takimi i kryetarëve të partive të vogla me ambasadorët Lu, Vlahuti dhe Borchardt me sa duket nuk ka shkuar sipas parashikimeve të këtyre të fundit. Deklaratata e dy pjesëmarrësve në këtë takim ka faktuar se ka patur akuza të drejpërdrejta nga ana e kryetarëve të partive të vogla kundrejt ambasadorëve. Pas takimit, Nard Ndoka tha për mediat se Ambasadori i OSBE është përgjegjës për situatën e krijuar në vend, për shkak se ai një vit më parë nuk pranoi të bëheshin ndryshimet në kod nën preteksin se nuk ka kohë.
Me zgjedhjen e presidentit të ri besoj se edhe VETTING-u ka rënë në aspektin moral të kësaj mazhorance dhe i kërkuam se këto nuk janë kërkesa të PD, por janë standard që edhe PD i kërkon për të gjitha partitë e tjera si garanci për zgjedhjet. Unë i shpreha edhe ambasadorit të OSBE që ai është përgjegjësi kryesor për këtë krizë për faktin se ai është shprehur publikisht një vit përpara që nuk ka kohë për numërimin elektronik, në një kohë që sot thonë ka kohë. Pra ishte një shprehje e papërgjegjshme e tij për të shtyrë mandatin, që kur ka probleme në Shqipëri mandati i OSBE shtyhet. Pra ja thamë ballasi ambasadorit këtë gafë diplomatike që institucioni i tij ka bërë me zgjedhjet. ty pati dhe një luhatje mesa vërejtëm ne në aspektin diplomatik. Nuk ka një unifikim mes qëndrimeve të SHBA dhe BE por ishin ato opinionet tona që ne shprehëm. Kishte edhe një draft për presidentin, megjithëse ai ishte një fakt i kryer, por ambasadori amerikan thoshtë që akoma nuk është votuar, ka hapësira” tha Ndoka.
Ndëkohë pyetjes nëse ambasadorët u kërkuan të merrnin pjesë në zgjedhje Ndoka u përgjigj “Jo nuk pati një kërkesë të drejtpërdrejtë, pavarësisht se ky ëishtë thelbi dhe qëllimi i takimit, por diskutimet tona ishin përtej asaj dëshirës dhe besoj më tepër e ndjenë vetën fajtor të kësaj krize, madje ne i ngarkuam ata me përgjegjësi se vendi po futet në krizë për faktin se disa prej tyre janë treguar të një anshëm në qëndrimin e tyre” tha ai.
Ndërsa deputetja e PDIU-së Mesila Doda ishte e para që doli nga takimi. Ajo bëri të ditur se kishte patur një komunikim jo të mirë me ambasadorin e OSBE-së për të cilin deputetja Doda tha se po bënte kinezërira.
Anëtarët e opozitës ngritën shqetësimet e tyre dhe më pas unë pata një bisedë jo shumë miqësore me ambasadorin e OSBE, i cili ka deklaruar se mos pjesëmarrje e opozitës do të jetë një problem, por do të jetë një fjali në raportin e OSBE/ODIHR, ndërsa ndryshimi i Kodit dhe kërkesa për të dhënë më shumë transparencë, administrim dhe numërim të gjitha partive parlamentare në zgjedhje, ky po do të ishte një problem shumë i madh dhe ODIHR këtë nuk do ta lejonte. Kinezërira të tilla mendoj se nuk e ndihmojnë procesin dhe na përjashtojnë edhe ne të tjerëve nga ky proces. Ose të gjithë palët do të jenë kontrollues të sistemit, ose këta zotërinj që marrin rrogën këtu në Shqipëri do të duhet të kuptojnë shumë mirë se ky vend nuk mund të kthehet dot më diktaturë dhe të mos punojnë në vendosjen e autoritarizmit dhe diktaturës në këtë vend. Këtë nuk do ta lejojmë në asnjë mënyrë” tha deputetja Doda
