Propagandë boshe për të mbuluar varfërinë mendon Jorida Tabaku se bën qeveria.
Ish-deputetja, përmes një postimi në “Facebook”, tha se 160 shqiptarë në ditë kanë humbur vendin e punës që nga nisja e këtij viti.
Për të zgjidhur këtë krizë, sipas Tabakut, qeveria nuk ka bërë asgjë veçse ka vijuar me koncesionet.
“Boritë e propagandës buçasin fort në përpjekje për të mbytur zërin e qytetarëve që po varfëron dhe bizneseve që po falimentojnë. Por është e pamundur të fshihen papunësia, varfëria dhe ulja e qepenave. 160 shqiptarë në ditë humbën punën që prej fillimit të vitit. 177 biznese mbyllen çdo ditë dhe këto janë vetëm shifrat zyrtare. Kësaj të vërtete të hidhur dhe të dhimbshme qeveria shqiptare i është përgjgijur me pagesat e koncensioneve dhe PPP-ve, me amnisti fiskale të parave të krimit dhe me vjedhjen e çdo fondi të mundshëm për rindërtimin.”
Demokratja akuzoi qeverinë se ka tradhtuar shqiptarët për shkak të lidhjeve të ngushta që ka me oligarkët. Si të vetmen zgjidhje për krizën, Jorida Tabaku sheh planin ekonomike të PD.
