Turqia vazhdon stërvitjen në detin Mesdhe së bashku me Republikën Autonome turke të Qipros së Veriut
Stërvitja e përvitshme “Stuhia e Mesdheut, Kapiteni Dëshmor Cengiz Topel”, zhvillohet në Republikën Turke të Qipros së Veriut (RTQV) dhe do të zgjasë deri në datën 10 shtator 2020 dhe ka për qëllim zhvillimin e trajnimeve të përbashkëta, bashkëpunimit dhe ndërveprueshmërisë ndërmjet Komandës së Forcave Paqeruajtëse Turke në Qipro dhe Komandës së Forcave të Sigurisë së Republikës Turke të Qipros së Veriut (RTQV). Stërvitja realizohet si stërvitje e kombinuar (e bashkuar), e përbashkët dhe në kushte reale në terren në formën e stërvitjes së sulmit ajror, operacionit luftarak të kërkim-shpëtimit dhe të stërvitjeve të njëkohshme të forcës së bashkuar operacionale në nivel batalioni me pjesëmarrjen edhe të njësive ajrore, detare dhe tokësore nga Turqia, thuhet në komunikatën e autoriteteve turke.
Bëhet e ditur se në stërvitje përdoren sistemet e armëve dhe municion i prodhuar nga Turqia.
Kjo stërvitje vjen në një kohë që tensionet në Mesdheun Lindor mes Turqisë dhe Greqisë janë të mëdha e në këtë përplasje janë përfshirë Franca nga njera anë në krah të Greqisë dhe Rusia në krahun tjetër përkrah Turqisë.
