Pak ore para se opozita te zhvilloje protestën e saj kundër qeverise, ministrja e shtetit për marrëdhëniet me Parlamentin, Elisa Spiropali i ka bere jehone qëndrimit te Shteteve te Bashkuara te Amerikës te bëra publike nëpërmjet zëvendës ndihmës sekretarit amerikan te shtetit Matthew Palmer.
Ne një postim ne rrjetet sociale Spiropali ka shkruar se Shtetet e Bashkuara folën qarte “përgjegjësit për dhunën janë Lulzim Basha dhe Monika Kryemadhi. Nuk do të shkelin më në ShBA po s’u ndalën sot! Zgjedhjet do të bëhen më 30 qershor!” Qe prej fillimit te krizës politike ne Shqipëri; zëvendës ndihmës sekretari amerikan i shtetit Palmer ka reaguar për te treten here duke përcjellë mesazhin e ShBA.
Se pari zyrtari i larte ka theksuar se ne rast se ne protestat e ardhshme do te ketë akte dhune përgjegjës do te jene liderët e opozitës, Basha e Kryemadhi.
Se dyti Palmer ka qartësuar se kush pengon zgjedhjet nuk do te mund te hyje ne Shtetet e Bashkuara te Amerikës. “I kemi paralajmëruar drejtuesit e opozitës të mos pengojnë procesin zgjedhor, çka mund të përbënte shkak për të mos u kualifikuar për të hyrë në ShBA”, – ka deklaruar zëvendës ndihmës sekretari amerikan.
