Ish-deputetja demokrate, Orjola Pampuri i bën thirrje qeverisë që të mbajë premtimin dhe të mos vonohet me shpërndarjen e pagesës së pensionit në shtëpi për çdo pensionist.
Në një postim në “Facebook”, Pampuri tha se pensionistët rrezikohen nga koronavirusi, për shkak se ende presin në radhë për të marrë pensionet.
“Thirrja e trishtueshme e pensionistëve sot, duhet të jetë këmbanë alarmi për çdo Qeveri të përgjegjshme. Ato janë shtesa më e rrezikuar nga përhapja e virusit COVID-19. Partia Demokratike bën thirrje që pa asnjë vonesë të nisë shpërndarja e pagesës së pensionit në shtëpi për çdo pensionist, si dhe furnizimi me ushqime dhe ilaçe të të moshuarve që jetojnë vetëm apo të të pamundurve për shkaqe invaliditeti dhe janë më të rrezikuarit nëse dalin në rrugë.”
Ajo theksoi se situata kërkon masa dhe veprime të menjëhershme dhe se premtimet e qeverisë bien në kundërshtim me realitetin.
“Në këtë kohe krize, fjalët e bukura të qeverisë nuk mjaftojnë. Propaganda në kohë krize, nuk ndihmon, por mund të kushtojë jetë. Media edhe sot ka dokumentuar se realiteti përballë fjalëve të Qeverisë nuk përputhen!”
