Alarmante paraqitet situata në Priskë të Tiranës, ku një zjarr i rënë gjatë ditës së sotme vijon të përhapet në terrenin kodrinor.
Flakët, të favorizuara edhe nga era, po përhapen me shpejtësi duke rrezikuar zonat përreth. Pavarësisht përpjekjeve të forcave zjarrfikëse të Tiranës, situata vijon të mbetet e agravuar.
Nga zjarri janë prekur edhe dy objekte, të cilat, sipas informacioneve paraprake, janë të vjetra dhe të pabanuara.
Forcat zjarrfikëse vijojnë punën për vënien nën kontroll të flakëve dhe parandalimin e përhapjes së mëtejshme të zjarrit.
