Mësimi për nxënësit këtë vit të ri shkollor do të jetë ndryshe nga herët e tjera. Për shkak të pandemisë, Ministria e Shëndetësisë ka përpiluar një udhëzues me disa rregulla që duhen zbatuar me qëllim parandalimin e përhapjes së virusit.
Teksa pritet që mësimi të nisë më 14 shtator, rregull kryesor është që të gjithë nëpër klasa do të jenë të pajisur me maska, përfshirë këtu nxënësit edhe mësuesit.
Këta të fundit, janë përgjegjës për ta garantuar diçka të tillë dhe për të ruajtur distancën 1.5-2 metra mes nxënësve. Në klasa nuk lejohen shumë nxënës dhe kur është e mundur, mësimi do të aplikohet në oborrin e shkollës. Gjithashtu, nuk lejohet të hash ushqim në klasë si edhe që nxënësit të lëvizin nga godina dhe të rikthehen përsëri me të.
Orari dhe hyrjen në institucionet të arsimit rregullohet sipas një grafiku nga drejtoria. Nxënësit paraqiten në institucionin arsimor duke respektuar me përpikëri orarin.
Nxënësi që ka simptoma të ngjashme apo temperaturë përpara ardhjes së institucion, njofton mësuesin ose personin përgjegjës për çështjet shëndetësore.
