Shkodra mbulohet nga plehrat; Prefektura i lë 24 orë kohë Bashkisë për të zgjidhur problemin

Prej 48 orësh, Shkodra po përballet me një situatë kaotike në pastrimin e qytetit.

Pirgje mbeturinash shfaqen në të gjitha rrugët e kryeqendrës së veriut.

Prefektja e Shkodrës Majlinda Angoni shpjegoi për Vizion Plus se i kishte kërkuar bashkisë që të marrë masa të menjëhershme.

MAJLINDA ANGONI

PREFEKTE E SHKODRES

 

Sipas informimit të nënkryetarit të bashkisë, jemi përpara një fakti që kontrata me kontraktuesin e parë sapo ka përfunduar dhe jemi në procedurë për kontraktuesin e dytë të këtij shërbimi.

Në këtë situatë të paprecedentë, Bashkisë së Shkodrës i është lënë afat 24 ore për zgjidhjen e problemit, e cila vjen ne kulmin e sezonit turistik.

Ndërsa bashkia e Shkodrës pranon se shkak për këtë situatë është bërë përfundimi i kontratës me firmën e pastrimit, ndërsa pritet zgjidhja deri në lidhjen e një kontrate të re për menaxhimin e mbetjeve urbane.