Gjykatësi federal në Luiziana të SHBA lëshoi një urdhër mbarëkombëtar kundër vendimit të presidentit Xho Bajdën për të vaksinuar me detyrim punonjësit shëndetësorë.
Dy ditë më parë një vendim i ngjashëm u mor nga gjykatësi i qarkut të Misurit, por përfshinte vetëm 10 shtete.
Gjykatësit argumentojnë se administrata Biden nuk ka autoritetin të anashkalojë Kongresin për të detyruar imunizimin e punonjësve.
“Gjatë një pandemie si kjo, është edhe më e rëndësishme të mbrohet ndarja e pushteteve të përcaktuara në Kushtetutën tonë për të shmangur cënimin e lirive tona.”-thuhet në vendim.
Urdhri i presidentit Biden kërkon që deri më 6 dhjetor të gjithë punonjësit të jenë vaksinuar me një dozë ndërsa plotësisht deri më 4 janar të vitit 2022.
Ky vendim prek më shumë se 17 milionë punonjës të kujdesit shëndetësor.
Së fundmi, me qarkullimin edhe të variantit Omicron, presidenti Biden argumenton se po përdor kufizimet kryesisht në pezullimin e fluturimeve për të fituar kohë që më shumë amerikanë të vaksinohen dhe të marrin masa të tjera parandaluese.
Ndërsa ekspertët shprehen se masat janë të nxituara në një kohë kur informacioni për variantin e ri, është i pamjaftueshëm.
