Kryetari i Partisë Demokratike Sali Berisha nuk i ka ndalur sulmet ndaj ish-deputetit demokrat Ervin Salianjit. Gjatë një bashkëbisedimi me banorët e Dibrës, lideri i opozitës u shpreh se Salianji ka bashkëpunuar me persona të akuzuar për krime të ndryshme.
“Por informacione të verifikuara ky në burg drekonte dhe darkonte me Pëllumb Gjokën dhe Oltion Bistrin…Ky ishte opozitë ato ishin byrazerë të qeverisë…Gjatë verës shkonte në Qerret te Ergys Agasi”, tha Berisha.
Madje Berisha pretendon se Salianji nuk ka dashur zgjedhje brenda partisë.
“Nuk kishte asnjë funksion në Kryesi të partisë dhe e kuptuam. Më thotë nuk do bësh zgjedhje sepse në diktatura opozita nuk bën zgjedhje. Jo i thashë zgjedhje do bëjmë. Vinte në mbledhje të kryesisë rregullisht, nuk shtronte asgjë të veçante”, shtoi Berisha.
Kryetari i Partisë Demokratike foli edhe për protestat duke thënë se opozita është në kilometrin e fundit për rrëzimin e Edi Ramës.
“Ne do protestojmë me të gjithë forcën tonë të pamposhtur gjer në fitoren tonë. Ne nuk tërhiqemi. Ne nuk mposhtemi.Ne e faktuam.E faktuam që jemi të pamposhtur. Dhe ky është kilometri i fundit. Dhe këtë kilometër ne do ta bëjmë në, me forcën më të madhe, me dinjitetin më të madh”, tha Berisha.
Berisha i bëri thirrje qytetarëve ti bashkohen protestes se 8 majit përpara Kryeministrisë.
