Sulmi ndaj gazetares Klodiana Lala është dënuar dhe nga Ambasada Amerikane.
Përmes reagimit të saj ambasada amerikan ka dënuar me forcë sulmin ndaj gazetares, duke u kërkuar autoriteteve shqiptare që të kryejnë një hetim transparent dhe të zbardhin ngjarjen.
“Ambasada e Shteteve të Bashkuara dënon me forcë sulmin ndaj gazetares Klodiana Lala dhe familjes së saj. Ne nxisim autoritetet shqiptare që të kryejnë një hetim tërësor dhe transmparent për të nxjerrë autorët përpara drejtësisë. Si gazetare, Klodiana ka luajtur një rol të rëndësishëm në mbulimin e reformës në drejtësi, çështjeve të gjyqësorit dhe veprimtarisë kriminale. Fakti që ajo u vu në shënjestër demonstron rëndësinë e punës së saj, sjellja e së vërtetës tek populli shqiptar. Një media e pavarur është frymëmarrja e një demokracie të fortë. Akte frikacake si ky tregojnë se kriminelët kanë frikë sa më shumë Shqipëria i afrohet një drejtësie të vërtetë.”
