Kryeministri Edi Rama deklaroi se Shqipëria ka marrë masa drastike kundër koronavirusit më shpejt se vendet e tjera të Evropës. Mëngjesin e kësaj të diele ai postoi një video, ku tregohet me anë të hartës sesi kanë vepruar shtetet evropiane për kyçjen e shkollave.
“? NË KËTË HARTË QË TREGON KRONOLOGJINË E MBYLLJES SË SHKOLLAVE, MUND TË SHIHET SE SA SHPEJT KA VEPRUAR SHQIPËRIA NË RANG EUROPIAN!”
Qeveria vendosi të mbyllë shkollat në datën 9 mars pas konfirmimit të dy rasteve të para me COVID-19 në Shqipëri. Teksa një pjesë e mirë e shkollave, çerdheve dhe kopshteve janë dezinfektuar, ministrja e Arsimit, Besa Shahini deklaroi para pak ditësh se po planifikohet që nxënësit të rikthehen në shkolla në 23 mars.
