Marrëveshjen për krijimin e qeverisë së re në Maqedoninë e Veriut, zëvendëskryeministri Bujar Osmani e kushtëzoi me postin e kryeministrit.
Ai deklaroi për “Vizion Plus” se BDI do të bëjë koalicion me atë parti maqedonase që ka fituar shumicën dhe që pranon kërkesën që kryeministri të vijë nga radhët e shqiptarëve.
“Ne qëmoti kemi instaluar parimin jo të kolacionenev dhe preferencave idologjike ndërmjet partive politike, por me parimin e fituesit me fitues. Maqedoninë e Veriut gjithmonë e përbëjnë dy parti: partia që fitonë në komunitetin maqedonas dhe partia që fitonë në komunitetin shqiptar. Dhe lidhin marrëveshje për bashkëqeverisje dhe i bashkojnë programet e tyre. Ne mendojmë se në këtë mënyrë përfaqësohen edhe shqiptarët, edhe maqedonasit. Edhe këtë radhë do të ndodhë ashtu. BDI do të bëjë koalicion me partinë që është përfaqësuese e shumicës maqedonase me atë që do të pranojë programin tonë politik. Ne kemi dalë me konceptin për kryeministrin e parë shqiptar dhe për pesë përbetime që janë shumë të rëndësishme për arritjen e marrëveshjes për bashkëqeverisje.”
Bashkimi Demokratik për Integrim nën udhëheqjen e Ali Ahmetit siguroi 15 deputetë, pesë më shumë sesa në përbërjen e kaluar.