Një vatër zjarri është regjistruar mbrëmjen e sotme në varrezat e fshatit Libonik, në bashkinë e Maliqit.
Shkaqet e zjarrit nuk janë bërë ende të ditura, ndërsa flakët kanë përfshirë një pjesë të zonës, duke bërë të nevojshme ndërhyrjen e shërbimit zjarrfikës.
Forcat zjarrfikëse ndodhen në vendngjarje dhe po punojnë për vënien nën kontroll të situatës, si edhe për shuarjen e plotë të flakëve.
Deri më tani nuk raportohet për persona të lënduar, ndërsa pritet që autoritetet të sqarojnë rrethanat dhe shkakun e rënies së zjarrit.
