Nga Ervin Sina
Magjia e Uefa Champions League vijon sonte në mbrëmje ne duelin e dytë gjysmëfinal në çiftin Psg-Arsenal, sfidë ku do të njohim edhe skuadrën që do t’i bashkëngjitet Interit në finalen e vitit në 31 maj në Mynih.
Përballja e madhe e Park De Prins transmetuar në Vizion Plus dhe Tring në orën 21:00 dhe gjithçka rinis nga suksesi 1 me 0 i skuadrës franceze mesjavën e kaluar në Londër.
Skuadra e Luis Enrikes ka dy favore në mbrëmjen e sotme..rezultatin në Emirates dhe natyrisht faktorin fushë…..parisienët kanë bërë një pjesë të dytë të sezonit në nivele shumë të larta..ata kanë eliminuar në 1/8 dhe çerekfinale dy skuadra të tjera angleze…Liverpulin favorit dhe Aston Vilen dhe tani janë gati të djegin edhe topçinjtë.
Asnjë shqetësim për formacionin për Luis Enriken, i cili ka dhimbje koke për shkak se ka bollëk zgjedhjesh për formacionin e parë, sidomos në aspektin ofensivë.
Dembele, Kvaratshkelia dhe talenti DUE janë favorit përpara Barkola dhe Goncalo Ramos. Pjesa tjetër e skuadrës vështirë të ndryshojë, me Garancine Donaruma në portë, Markinjos, Hakimi dhe Nunjo Mendesh liderët e prapavijës dhe krahëve si dhe mesfushën me muskujt e Vitinjes dhe Zhoao Neves si dhe fantazinë e Fabian Ruiz.
Psg kërkon finalen e dytë në histori, teksa në 2020 u mundën nga Bajerni në finale. Edhe Arsenali është në të njëjtat kushte..kërkon gjithashtu të luajë për herë të dytë në finalen e ligës së kampionëve, por të parën e ka zhvilluar shumë më larg sesa francezët, në 2006 humbur ndaj Barcelonës 2 me 1.
Ata duhet të bëjnë një ndeshje të madhe për të përmbysur humbjen e takimit të parë, e po ashtu duhet t’ia dalin edhe përballë mungesave me peshë që i kanë pasur në fakt gjatë edhe kundër Realit në çerekfinale.
Mikel Arteta nuk ka të gatshëm emra si Gabriel Zhezus dhe Kai Haverc në sulm apo Gabriel në mbrojtje dhe Zhorzhinjo në mesfushë.
Londinezët kanë treguar se falë një sulmi shpërthyes mund të thyejnë çdo kundërshtar, ndaj edhe përballja sonte në Paris është gati të dhurojë të tjera emocione të mëdha sikurse Inter-Barcelona./vizionplus.tv
