Aksi rrugor Kakavijë-Janinë do të jetë i bllokuar këtë të shtunën për shkak të protestës që do të zhvillojnë fermerët grekë.
Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se aksi do të qëndrojë i bllokuar nga ora 19:00 deri në orën 22:00 (me orën greke).
Do të lejohen të qarkullojnë vetëm automjetet që do të kenë emergjenca shëndetësore.
Policia Kufitare Kakavijë kërkoi mirëkuptimin e qytetarëve dhe sugjeroi planifikimin e udhëtimeve me automjete, në orare të tjera të ditës.
/vizionplus.tv
