Ministri i Brendshem Lleshaj reagoi në facebook pas arrestimit të një polici në Laç I cili shiste në treg të zi, sende me vlere te vjedhura që vëllai I tij I grabiste në banesa e biznese në Gjermani.
Lleshaj shpreh keqardhje që sipas tij, elemente të tillë që pa turp e pa dinjitet janë gati të vjedhin edhe lugë duke I nxirre faqen mijëra shqiptareve të ndershem që jetojnë e punojnë në vendet e BE-se.
Meritojnë falënderim të veçantë partnerët gjermanë për rigorozitetin me të cilin ndjekin çdo lloj vjedhjeje, pa i ndarë ato në të vogla dhe të mëdha. Falënderime meritojnë SHÇBA, Prokuroria dhe Policia e Shtetit për bashkëpunimin profesional dhe vullnetin për vetëpastrim nga radhët e personave të inkriminuar apo të padenjë që mund të kenë mbijetuar ende brenda strukturave të veta. Keqardhje për elementë të tillë që pa turp dhe pa dinjitet bien në nivele kaq të ulëta, sa vjedhin deri edhe lugët e huaja, për të nxirë pa të drejtë faqen e mijëra shqiptarëve të tjerë, që jetojnë me punë dhe dinjitet anembanë Europës.
Lleshaj i bën thirrje të gjithë qytetarëve që të bashkëpunojnë me Policinë për të informuar çdo lloj dyshimi, edhe për raste të atyre, që kanë humbur dinjitetin dhe vjedhin nëpër Europë.
Kjo kategori hajnash, shton Ministri i Brendshëm, meriton përbuzje dhe izolim shoqëror si dhe procedim të rreptë ligjor.
