Reforma Territoriale, që fshin nga harta e bashkive bashkinë e Dimalit, ka nxjerrë edhe sot në shesh për të protestuar banorët Dimalit. Me moton “Dimali mbetet Dimal.
Zëri i qytetarëve duhet të dëgjonet”, banorët e bashkisë Dimal kanë kërkuar që qeveria të mos ta prekë këtë bashki.
Sipas banorëve, Dimali ka ekzistuar që prej shek.V p.e.s dhe është një bashki me histori, tradita dhe potencial të lartë ekonomik.
Banorët i bëjnë thirrje Ramës që të mos e prekë bashkinë Dimal, emrin e të cilës e ndryshoi ai vetë në vitin 2015 (nga Urë Vjagurore në Dimal),me vendimin nr.34 të Kuvendit të Shqipërisë.
Sipas banorëve,bashkimi i Dimalit me Beratit do të ndikojë negativisht jo vetëm në marrjes e shërbimeve të nevojshme të qytetarëve por edhe në zhvillimin ekonomik të një prej bashkive të vendit, që me prodhimet bujqësore dhe serat në fshatrat: Kutalli, Samaticë, Drenovicë, Cukalat, Goriçan etj, furnizon prej vitesh tregjet ndërkombëtare.
Po kështu, edhe Këshilli Bashkiak Dimal, ka zhvilluar një mbledhje emergjente, ku pasi kanë miratuar pavlefshmëtinë e propozimit të bërë nga qeveria për shkrirjen e kësaj bashkie, duke argumentuar se në relacion, në kundërshtim me nenin 89, nuk argumentohen as me fake dhe as me studime fizibiliteti avantazhet e kësaj shkrirje, 18 anëtarët e pranishëm të Këshillit Bashkiak (nga 21 në total) kanë votuar “Pro” moshkrirjes së Dimalit si bashki.
