Kryeministri Edi Rama ka publikuar këtë të shtunë historinë e një ish-minatori, i cili përreth dy vitesh kërkonte të drejtën e tij për të marrë pensionin e pleqërisë në varësi të kontributit gati 38-vjecar që kishte dhënë.
Përmes një postimi në Facebook, shefi i qeverisë ndan me ndjekësit e tij zgjidhjen që i është mundësuar Hakas përmes platformës së bashkëqeverisjes, duke iu rritur pensioni nga 90 mijë lekë në muaj në 155 mijë lekë.
Sipas Ramës ish minatori, Sherif Haka i është drejtuar “shqipëriaqëduam.al”, duke bërë të ditur se pensioni i pleqërisë i kishte dalë më i vogël se trajtimi i vecantë që merrte si ish-minator.