Presidenti Ilir Meta ka garantuar mbështetje për të gjithë personat me Aftësi të Kufizuar.
Me rastin e Ditës Kombëtare të Personave me Aftësi të Kufizuar, Meta në një postim në “Facebook”, i bëri apel të gjithë institucioneve që të angazhohen për integrimin e kësaj kategorie në shoqëri.
“Me rastin e Ditës Ndërkombëtare të Personave me Aftësi të Kufizuar, garantoj për ta mbështetje e dialog të përhershëm dhe të angazhohemi të gjithë për integrimin e tyre të plotë në shoqëri. I kënaqur që tashmë në Presidencë ekziston një rampë për ta dhe i ftoj të gjitha institucionet që t’i ndërtojnë, në mënyrë që kjo kategori ta ketë sa më të lehtë aksesimin dhe hyrjen në to.”
