Pjesëmarrja e ish-kryeministrit Fatos Nano në Kongresin dhe 30-vjetorin e PS-së ishte përmes një videomesazhi.
Me një përshëndetje të veçantë për liderin e PS-së, Edi Ramën, Fatos Nano tha se socialistët mund të arrijnë shumë me të në krye.
“Sot jemi të gjithë 30 vjeçarë, me apo pa thinja. Është një 30-vjetor që na jep të gjithëve krenari. U përballëm e sfidat e zhvillimit dhe ecëm me hapin e kohës, jemi e vetmja forcë politike ne Shqipëri që mendon globalisht. Përshëndetje Edi, ta kam lënë stafetën. Jam gëzuar si asnjëherë më parë për këtë arritrje të jashtëzakonshme, për fitoren e mandatit të tretë. Le të vazhdojmë reformat për të ngritur Shqipërinë në standardet e BE-së, për zhvillimin ekonomik dhe për luftën ndaj korrupsionit, ky është misioni ynë historik. Askush tjetër nuk mund ta përmbushë këtë mision, pa arritur këtë pikë të pakthyeshme. Gjithçka kemi bërë do të mbetet e papërfunduar. Kam besim të plotë se me Edi Ramën në krye dhe me bekimin e Zotit, do ta përmbushni këtë mision. E gëzofshim këtë 30-vjetor. Rrofshi dhe qëllofshi gjithnjë në shenjë.”
