Shqiptari Adriatik Tresa, 42 vjeç, ngeli i pajetë pas një përplasjeje të bandave të drogës që veprojnë në Ekuador.
Tresa u vra brenda vilës së tij luksoze nga katër persona. Ata u shtirën si policë dhe u futën shumë të qetë në banesë, me pretendimin se kishin një mandat kontrolli.
Tresa u vra në sy të bashkëshortes së tij. 42-vjeçari ishte “i famshëm” për policinë vendase. Adriatik Tresa akuzohej për vrasjen e një shqiptari tjetër e pastrim parash.
Sipas mediave të huaja, një javë më parë ai i kishte shpëtuar një tentative pengmarrjeje.