Gjykata e Posaçme ka lënë në fuqi masat e sigurisë “arrest shtëpie” për drejtoreshën e AKSHI, Mirlinda Karçanaj dhe zëvendës drejtoreshën Hava Delibashi.
Ndërsa për zëvendësdrejtorin e Policisë së Tiranë, Erion Ismailin hiqet masa e sigurimit ndalimi për të dalë jashtë vendit dhe lihet në fuqi pezullimi, mëson gazetarja e Vizion Plus, Blerina Cene.
Lexo edhe :
Related Posts
Më 16 dhjetor, me kërkesë të Prokurorisë së Posaçme, BKH zhvilloi një operacion te Kodra e Diellit. Bëhet fjalë për hetimet e kryera për abuzime të dyshuara me tenderë publikë në Agjencinë Kombëtare të Shoqërisë së Informacionit.
Hetimet për këtë çështje kanë nisur rreth një vit më parë dhe po drejtohen nga prokurori i SPAK-ut, Bledar Maksuti.
Gjatë ditëve të fundit, hetuesit kanë marrë në pyetje rreth 25 zyrtarë të AKSHI-t, kryesisht anëtarë të Komisionit të Vlerësimit të Ofertave dhe të Komisionit të Shqyrtimit të Ankesave.
NJOFTIMI:
Prokuroria e Posaçme kundër Korrupsionit dhe Krimit të Organizuar, me datë 17.12.2025, ka paraqitur pranë Gjykatës kërkesën për marrjen në pyetje dhe verifikimin e kushteve dhe kritereve të caktimit të masës dhe nevojat e sigurimit, për personat nën hetim Mirlinda Karçanaj, Hava Delibashi, Erjon Ismaili, Andis Papa, Gëzim Hoxha dhe Rogers Rryta.
Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Flojera Davidhi, me datë 18.12.2025, vendosi:
1. Vazhdimin e zbatimit të masës së sigurimit personale shtrënguese “Arrest në shtëpi”, e parashikuar nga neni 237 i K.Pr.Penale, ndaj shtetases nën hetim Mirlinda Karçanaj.
2. Vazhdimin e zbatimit të masës së sigurimit personale shtrënguese “Arrest në shtëpi”, e parashikuar nga neni 237 i K.Pr.Penale, ndaj shtetases nën hetim Hava Delibashi.
3. Vazhdimin e zbatimit të masës së sigurimit personale ndaluese “Pezullim i ushtrimit të një detyre a shërbimi publik”, e parashikuar nga neni 242 i K.Pr.Penale, ndaj shtetasit nën hetim Erjon Ismaili.
4. Revokimin e masës së sigurimit personale shtrënguese “Ndalim i daljes jashtë shtetit”, e parashikuar nga neni 233 i K.Pr.Penale, ndaj shtetasit nën hetim Erjon Ismaili.
5. Vazhdimin e zbatimit të masës së sigurimit personale shtrënguese “Ndalim i daljes jashtë shtetit”, e parashikuar nga neni 233 i K.Pr.Penale, ndaj shtetasit nën hetim Andis Papa.
6. Vazhdimin e zbatimit të masës së sigurimit personale shtrënguese “Ndalim i daljes jashtë shtetit”, e parashikuar nga neni 233 i K.Pr.Penale, ndaj shtetasit nën hetim Gëzim Hoxha.
7. Vazhdimin e zbatimit të masës së sigurimit personale shtrënguese “Ndalim i daljes jashtë shtetit”, e parashikuar nga neni 233 i K.Pr.Penale, ndaj shtetasit nën hetim Rogers Rryta.
