Zjarri që ka përfshirë sipërfaqe pyjore në Pukë vijon të mbetet aktiv, ndërsa situata në terren paraqitet e vështirë.
Kryetari i Bashkisë Pukë, Rrok Doda në një lidhje të drejtpërdrejtë në edicionin qendror të lajmeve në televizionin kombëtar Vizion Plus nën moderimin e Aleksandër Furxhi, shprehet se në operacion janë angazhuar forca të shumta.
Por, sipas tij, terreni i vështirë po pengon ndërhyrjen me mjete zjarrfikëse.
Kryebashkiaku Doda thekson gjithashtu mungesën e mjeteve ajrore, ndërsa Bashkia ka bërë thirrje edhe për angazhimin e vullnetarëve.
INTERVISTA E PLOTË:
Zjarri është përhapur, cilat janë dëmet e regjistruara?
Rrok Doda: Puka po përjeton ditë të vështira për sa i përket zjarreve në pyjet e saj. Unë kam qenë gjatë gjithë ditës në terren situata aktuale vazhdon të jetë e vështirë po punohet me forcat e shumta, forcat e sektorit të pyjeve, shërbimeve të bashkisë Pukë, po punohet edhe me 42 efektivë të forcave të ushtrisë. Po punohet vetëm me mjetet e krahut sepse është e pamundur që zjarrëfikëset të shkojnë në vendin e zjarrit.
Bashkia dhe ju sot keni bërë thirrje përmes rrjeteve sociale që edhe vullnetarët janë të ftuar të marrin pjesë në këtë betejë me zjarrin. Githsesi vullnetarët nuk janë të stërvitur nuk kanë dijenitë e duhura për shuarjen e zjarrit, a mendoni se kjo është problem apo jo?
Rrok Doda: Patjetër që ne nuk jemi të angazhuar që të nxjerrim njerëz që nuk janë të kualifikuar apo të stërvitur për këtë shërbim. Terreni shumë i vështirë e bën të pamundur që ne të operojmë në kohën e duhur edhe shpejt sepse mungon dhe ajri, hedhja e ujit nga ajri, sepse kuptohet gjithë Shqipëria po përjeton një situatë të tillë dhe aq mundësi ka. Nuk është si para disa ditëve kur ne kishim në terren edhe nga ajri dy apo tre helikopter në dispozicion. Sot është pak e vështirë prurja e tyre për arsye të pamundësisë sepse zjarret janë gjithandej.
/vizionplus.tv
