Në atë që ata e quajnë studimi më i madh i bërë ndonjëherë, studiuesit gjetën se përdorimi i marijuanës gjatë shtatzanisë rrit rrezikun që fëmijët të lindin me autizëm.
“Gratë që përdorën kanabis gjatë shtatëzanisë kishin 1.5 herë më shumë të ngjarë të kishin një fëmijë autik. Ne dekurajojmë shumë përdorimin e kanabisit gjatë shtatzanisë dhe gjidhënies”, tha autori i studimit Dr. Darine El-Chaâr, një specialist i mjekësisë fetale të nënave dhe hetues klinik në Institutin e Kërkimeve Spitalore në Otava në Kanada.
Studimet e kaluara kanë treguar që përdorimi i marihuanës gjatë shtatëzanisë është i lidhur me peshën e ulët të lindjes, impulsivitetin, hiperaktivitetin, çështje të vëmendjes dhe çështje të tjera njohëse dhe të sjelljes tek fëmijët.
Gratë shtatzëna që përdorin marijuanën, thotë studimi, kanë rrezik 2.3 herë më të madh që të lindin një foshnje të vdekur.
Studimi, i botuar të hënën në revistën Nature, shqyrtoi të dhënat nga çdo lindje në Ontario, Kanada, midis 2007 dhe 2012, shumë përpara se marijuana rekreative të legalizohej në Kanada në vitin 2017.
Studiuesit vëzhguan 2.200 gra që thanë se përdorin marijuanë gjatë shtatzanisë, pa e përzierë atë me duhan dhe alkool. Në studim nuk sqarohet për sasinë dhe llojin e marijuanës që gratë përdorin gjatë shtatzanisë dhe që jep këtë efekt tek foshnjat.
