Presidenti amerikan Donald Trump, në një intervistë për Fox News, deklaroi se pas takimit të tij me presidentin rus Vladimir Putin, marrëveshja për armëpushim në Ukrainë është “tani në dorën e Zelenskyt”.
“Jemi shumë afër një marrëveshjeje,” tha Trump për gazetarin Sean Hannity, duke shtuar: “Ukraina duhet ta pranojë. Mund të thonë edhe jo.”
Ai bëri të ditur se hapi i ardhshëm është një takim trepalësh mes tij, presidentit ukrainas Volodymyr Zelensky dhe presidentit rus Vladimir Putin. “Të dy më duan aty – dhe unë do jem,” theksoi Trump, duke u shprehur optimist se paqja mund të vijë “brenda një periudhe të shkurtër”. Ai përmendi gjithashtu mundësinë e pjesëmarrjes në një takim kokë më kokë midis presidentëve rusë dhe ukrainas: “Të dy më duan atje – dhe unë do të jem”, tha ai. Ai ishte optimist se paqja mund të vinte “brenda një periudhe mjaft të shkurtër kohore”.
Megjithatë, Presidenti Trump pranoi se është tërhequr nga deklarata e tij e mëhershme se do ta zgjidhte konfliktin brenda 24 orëve. “Mendova se do ishte konflikti më i lehtë për t’u zgjidhur, por rezultoi të jetë më i vështiri,” u shpreh ai.
Për çështjen e ndarjes së territoreve, Trump tha se ka rënë “në masë të madhe dakord” me Putinin që lufta do të përfundojë përmes shkëmbimit të territoreve dhe disa garancive sigurie nga ana e Shteteve të Bashkuara për Ukrainën.
Kur u pyet nëse kjo nënkupton që Rusia do të marrë territore të reja, Trump pohoi se ky është një nga pikat ku ka pasur pajtim me presidentin rus. “Takimi ishte i ngrohtë. Mund të them se jemi shumë afër përfundimit të luftës,” theksoi ai.
Megjithatë, ai refuzoi të komentojë për një pikë të madhe mosmarrëveshjeje mes tij dhe Putinit, duke e cilësuar si “çështje të ndjeshme”.
Trump po ashtu tha se Putin foli në mënyrë shumë pozitive për SHBA-të dhe për të si president. “Vladimir tha se nuk ka parë askënd të bëjë kaq shumë në kaq pak kohë. Tha që vendi juaj është si një armë e nxehtë. Një vit më parë mendonte se ishte i vdekur,” tha Trump.
/vizionplus.tv
