Policia e Shkodrës ka arrestuar një 32-vjeçar, pasi ka përplasur me dashje automjetin e një shtetasi me të cilin kishte konflikt. Në pranga përfundoi M.L., i cili ishte në gjendje të dehur.
I arrestuari nuk ishte i panjohur për policinë, pasi ishte me precedent të mëparshëm penal.
Sipas njoftimit të policisë, 32-vjeçari ka përplsur pasditen e kësaj të premteje mjetin e parkuar të shtetasit me iniciale D.K.
Materialet iu referuan Prokurorisë pranë Gjykatës së Shkallës së Parë Shkodër, për veprat penale “Shkelja e rregullave të qarkullimit rrugor”, “Drejtimi i mjeteve në gjendje të dehur” dhe “Shkatërrim prone”.