Këto janë pamjet dramatike te zjarrit masiv qe ka shkaktuar nje tragjedi te rende ne Daka te Bangladeshit
78 persona kanë humbur jetën ndërsa dhjetëra te tjere janë lënduar, disa prej të cilëve në gjendje kritike.
Disa banorë kanë mundur të shpëtojnë, por ekziston frika se numri i viktimave të rritet me tej. Sipas autoriteteve vendase, zjarri shpërtheu mbrëmjen e së mërkurës. Në fillim u dëgjua një zhurmë e madhe e më pas flakë të mëdha u përhapën me shpejtësi në të gjithë pallatin teksa banorët ishin ne gjumë.
Mes viktimave dyshohet se janë edhe disa të ftuar në një ceremoni martesore. Mendohet se zjarri shpërtheu fillimisht në katin e nëndheshëm të ndërtesës, i cili përdorej si depo e lëndëve kimike.
Zjarrfikësit ishin në luftë me kohën për të shpëtuar viktimat, ndërsa rrugët e ngushta të zonës historike, e bënë të vështirë ndërhyrjen në kohë. Autoritetet ndërkohë po hetojnë ngjarjen, por ende nuk ka te dhëna per shkaqet e zjarrit.
