Tre ditë nga rënia më e madhe e paundit në 31 vitet e fundit, që erdhi si pasojë e daljes së Britanisë nga Bashkimit Europian ka reaguar për herë të parë ministri i financave. Në një deklaratë për median Xhorxh Osborn ka thënë se ekonomia britanike është e fortë dhe e gatshme për tu përballur me çdo skenar.

“Me lejoni te jem i qartë, ju nuk duhet të nënvlerësoni planin tonë të masave. Ne kemi qenë të përgatitur për të papriturën dhe jemi të gatshëm për çdo skenar. Sistemi financiar britanik do të ndihmojë vendin tonë të përballet me çdo tronditje dhe nuk do të lejojë që kjo të përkeqësohet.”

Osborn shtoi gjithashtu se Londra zyrtare është në kontakt të vazhdueshme dhe me guvernatorët e Bankave Qëndrore, drejtorin e FMN-së dhe sekretarin e thesarit amerikan. Qëndrimi i ministrit te financave erdhi pasi në tregjet aziatike, një paund këmbehet me 1.34 dollarë, duke pësuar një rritje të lehtë.

 

 

Leave a Reply

Your email address will not be published.