Krerët e organizatës për siguri dhe bashkëpunim OSBE, Kryetari i OSBE-së në detyrë Miroslav Lajçák së bashku me Sekretari i Përgjithshëm i OSBE-së Tomas Greminger, Kryetari i Asamblesë Parlamentare të OSBE-së George Tsereteli dhe Sekretari i Përgjithshëm i Përgjithshëm i OSBE-së Roberto Montella shprehin keqardhje në lidhje me tensionet politike të vazhdueshme në Shqipëri.
Me anë të një deklarate të përbashkët liderët e kësaj organizate bëjnë thurrje për zgjedhje paqësore ditën e diel.
OSBE
Tani më shumë se kurrë është e domosdoshme që aktorët shqiptarë të punojnë së bashku për të thyer bllokimin aktual, për t’u angazhuar në dialog pa parakushte dhe për të siguruar që zhvillimi i zgjedhjeve të dielën të jetë paqësor. Ne i nxisim të gjitha palët e interesuara që të mbështesin sundimin e ligjit, të respektojnë rolet kushtetuese të institucioneve përkatëse demokratike dhe të drejtat themelore dhe të shmangin dhunën. Nxitësit e akteve të dhunshme duhet të mbajnë përgjegjësi ligjore. Ne gjithashtu u bëjmë thirrje institucioneve të zbatimit të ligjit që të përdorin masa proporcionale.
OSBE duke dënuar ashpër sulmet në disa zona të Shqipërisë bën të qartë se cdo përpjekje për të prishur procesin zgjedhor si dhe cdo tentative për blerjen e votave dhe ushtrimin e presionit do të ketë pasoja ligjore.
OSBE
OSBE dënon ashpër sulmet e fundit të dhunshme që synojnë organet përgjegjëse për organizimin e zgjedhjeve në komunat anembanë Shqipërisë, duke dëmtuar shkollat dhe materialet e votimit. Të gjitha kontradiktat politike dhe administrative duhet të zgjidhen në përputhje me sundimin e ligjit dhe proceset ligjore. Çdo përpjekje për të prishur procesin demokratik përmes veprimeve të dhunshme ndalon përparimin e Shqipërisë dhe njollos reputacionit ndërkombëtar të vendit. Çdo shkelje ligjore lidhur me zgjedhjet, duke përfshirë blerjen e votave, shpërdorimin e burimeve publike dhe ushtrimin e presionit lidhur me zgjedhjet për punonjësit e sektorit publik, duhet të rezultojë me pasoja të përshtatshme ligjore.
Gjithashtu OSBE shton se pas 30 qershorit, do të mbështesë fuqishëm përpjekjet drejt reformave integruese, duke përfshirë edhe reformën në drejtësi.
