Për rreth dy javë tashmë, qëkurse u dogj kampi Moria, mbi 12 mijë refugjatë kanë fjetur nëpër rrugë e fusha. Burra, gra, fëmijë e të moshuar janë në pritje të një strehe, ndërsa ka përfunduar ndërtimi i kampit të ri me kapacitet prej 5 mijë personash. (efekte)
Nga dita e enjte, autoritetet greke kanë nisur të sistemojnë emigrantët në çadrat e reja por sërish për shumë prej tyre, e ardhmja është e paqartë.
Banorët e ishullit Lesbos kanë kundërshtuar vazhdimisht ndërtimin e kampit të ri, ata kërkojnë një zgjidhje për krizën që i shqetëson prej vitesh.
BANOR I ISHULLIT LESBOS
“Panorama është e tmerrshme, këta njerëz duan të ikin, duhet ti marrin me anije dhe t’i çojnë atje ku duan, pse i mbajnë këtu si të burgosur, duhet ti lënë të lirë. Ata do ta djegin sërish kampin.”
Policia greke ka arrestuar 4 emigrantë afganë me akuzat për zjarrvënie të qëllimshme.
Zjarri në Moria ka hedhur një hije të rëndë mbi gjendjen e refugjatëve dhe reflekton dështimin e unionit në gjetjen e një zgjidhjeje.
Gjermania ka vendosur të marrë një grup prej 150 refugjatësh minoren si dhe 1500 refugjatë të tjerë nga Lesbosi dhe vendstrehimet e tjera në Greqi.
Ndërkohë, mjekët pa kufij bëjnë thirrje për largimin e emigrantëve nga ishulli pasi kushtet në të cilat jetojnë janë ekstremist të vështira.
Komisioni i BE propozon reformimin e sistemit të azilit në Europë, ndërsa ministri i Brendshëm gjerman Horst Seehofer propozon një mbrojtje më të mirë të kufijve të jashtëm të BE.