112 familje morën këtë të martë shtëpitë e reja në zonën e Valiasit në Kamëz. Blloku i apartamenteve është pjesë e procesit të rindërtimit të zonave të prekura nga tërmeti i tre viteve me pare.
I pranishëm gjatë shpërndarjes së çelsave të apartamenteve ishte dhe kryeministri Edi Rama. Ai tha se këto shtëpi përbëjnë pasuri të patundshme, me vlerë më te madhe se e banesave që humbën nga tërmeti.
Rama shtoi se investimet do të vazhdojnë në këtë zonë dhe jo vetëm, në mënyrë që asnjë i prekur nga tërmeti të mos vuajë për strehim.
