Një kopsht zoologjik rus ka dërguar disa pallonj në vijën e frontit në Ukrainë në një përpjekje të çuditshme për të ngritur moralin e trupave.
Zoopark Lipetskiy dërgoi zogjtë në Divizionin 252 të pushkëve të Rusisë. Kopshti zoologjik publikoi detaje të lëvizjes në një postim tashmë të fshirë në rrjetet sociale, duke festuar përpjekjen për të ngritur moralin mes njerëzve të Putinit.
“Bukuria e zogjve do t’i frymëzojë fëmijët [trupat ruse] në mjedisin e ashpër të betejës, duke u sjellë atyre pak gëzim. Kjo nuk është një reklamë për kopshtin zoologjik, por një dhuratë nga zemra. Shpresojmë që bukuria e këtyre zogjve të ndriçojë rutinën luftarake të ushtarëve”, thuhej në postim.
Kopshti zoologjik publikoi gjithashtu një video shoqëruese të trupave duke i falënderuar ata për dhuratën e pazakontë dhe përpjekjet për të sjellë “pak gëzim”. Një ushtar tha se po ndërtonte një kafaz të madh për të strehuar kafshët. Ai tha se prania e zogjve në periferi të konfliktit të pamëshirshëm do t’i ndihmojë luftëtarët “të gjejnë pak paqe mendore” ose “thjesht të mendojnë dhe admirojnë bukurinë e zogjve”. /vizionplus.tv
