Naftëtarët e Ballshit kanë nisur grevën e urisë. Pas disa protestave radhazi dhe mungesës së zgjidhjes, ata kanë vendosur të përshkallëzojne veprimet e tyre.
Punëtorët kanë bërë thirrje që kompania të shlyejë sa më parë pagat e prapambetura dhe për këtë kanë kërkuar edhe ndihmën e institucioneve.
Sipas kreut të sindikatës nuk do të ketë kthim pas nëse autoritetet përkatëse do të vazhdojnë të neglizhojnë kërkesat e tyre.
Greva e urisë, sipas naftëtarëve të Ballshit ishte rruga e veteme pasi kompania nuk mbajti premtimin për të shlyer detyrimet.
