Moti i keq ka “pushtuar” këto ditë Australinë. Mediat e huaja kanë bërë publike video të njerëzve që kanë kapur momente nga moti i “tërbuar”.
Në video duket që Sydney është nën ujë e në rrugë ka pemë të rrëzuara, ndërsa njerëzit bërtasin: “Ka ujë gjithandej”. Shërbimet e urgjencës kanë shpëtuar qindra njerëz nga përmbytjet në Sydney.
Më shumë se 100,000 shtëpi kanë ngelur pa energji në Uellsin e Ri Jugor, ndërsa janë dhënë urdhra për evakuim. Reshjet e dendura të shiut parashikohet të vazhdojnë gjatë gjithë javës.
