Regjistrohet një tjetër viktimë nga temperaturat e ulëta, këtë herë në veri të vendit.
Një punonjës i Operatorit të Sistemit të Transmetimit humbi jetën si pasojë e një ataku kardiak mbrëmjen e së enjtes rreth orës 22:00.
58-vjecari Gjovalin Qafa ishte nisur nga Laçi në drejtim të fshatit Perlat të Mirditës për të marrë punonjësit e OST, të cilët po riparonin një defekt në zonë.
Por fatkeqësisht ai nuk ka mundur të mbërrijë. Punonjësi u gjet i vdekur në makinën e tij. Gjovalin Qafa ishte me detyrë shofer pranë Operatorit të Sistemit të Transmetimit.
