Ministri për Evropën dhe Punët e Jashtme, Igli Hasani ka zhvilluar në Hagë një takim me Komisionerin e Lartë për Pakicat Kombëtare, Kairat Abdrakhmanov.
Përmes një postimi në platformën “X”, ministri Hasani ka ndarë detaje nga takimi.
Në fokus të diskutimeve ishte përparimi thelbësor i bërë nga Shqipëria në përmirësimin e kuadrit ligjor për mbrojtjen e të drejtave të pakicave.
Ministri Igli Hasani: Në Hagë, në takim me Komisionerin e Lartë për Pakicat Kombëtare, Kairat Abdrakhmanov.
Diskutuam përparimin thelbësor të bërë nga Shqipëria, në përmirësimin e kuadrit ligjor për mbrojtjen e të drejtave të pakicave, si dëshmi e përkushtimit tonë për të nxitur gjithëpërfshirjen dhe barazinë.
Në takim ngrita çështjen e pasivizimit të adresave të shqiptarëve në jug të Serbisë, e cila i privon ata nga të drejtat themelore, përfshirë të drejtën e votës.
Very good meeting with @oscehcnm High Commissioner on National Minorities Kairat Abdrakhmanov.
We discussed the substantial progress made by Albania in enhancing the legal framework for minority rights protection, as evidence of our dedication to fostering inclusivity and… pic.twitter.com/1FdcAYtrDu
— Igli Hasani (@IgliHasani) April 16, 2024
