Një vatër zjarri është shfaqur mëngjesin e kësaj të marte në kodrat e qytetit të Vlorës, në lagjen “15 Tetori”. Flakët kanë përfshirë një hapësirë me pisha dhe shkurre, pranë disa banesave të ndodhura në këtë zonë.
Dyshohet se zjarri është i qëllimshëm, me synim pastrimin e territorit nga barishtet dhe shkurret.
Megjithatë, përhapja e flakëve është favorizuar nga era, duke rritur rrezikun e zgjerimit të vatrës.
Në vendngjarje kanë mbërritur forcat zjarrfikëse, të cilat po punojnë për izolimin dhe shuarjen e zjarrit.
Kjo është vatra e dytë aktive e zjarrit e regjistruar në këtë zonë gjatë ditëve të fundit.
