Presidenti i Azerbajxhanit, Ilham Aliyev deklaroi se konflikti që ka zgjatur për dekada me Armeninë për rajonin Nago-Karabakut nuk duhet të zvarritet më tej, por duhet t’i jepet fund.
Për Aliyev, çështja duhet të zgjidhjet menjëherë, pa vonesa të mëtejshme.
“Nuk kemi kohë të presim edhe 30 vjet. Problemi duhet të zgjidhet tani”, tha Aliyev, teksa akuzon armenët si përgjegjësit kryesorë të këtij konflikti.
Sipas tij, autoritetet armene shkelën katër rezolutat e Këshillit të Sigurimit të Kombeve të Bashkuara, të cilat kërkojnë një fund të pakushtëzuar të okupimit në atë zonë.
