Lea Ypi mohoi në studion e QUO VADIS në Vizion Plus deklaratat se ajo do të jetë kryeministrja e re e qeverisë teknike.
Ajo tha se njerëzit shpesh lexojnë politikën si një show, me emra që hyjnë dhe dalin, duke harruar se politika është një proces i forcave demokratike.
Pjesë nga biseda:
Borakaj: Emri juaj është përmendur shumë si kryeministre e një qeverie teknike që nuk ekziston akoma, por nëse do të ketë një qeveri teknike, ju a do të ishit kryeministre?
Ypi: Dhe unë jam munduar të kuptoj çfarë e sjell këtë nevojë për të përmendur emra, çfarë i bën gazetarët të më thonë “e keni parë deklaratën e filanit që ka përmendur emrin tuaj?” Në fakt nuk është e vërtetë. Lajmi bëhet duke nisur nga një e pavërtetë dhe pastaj zmadhohet e pavërteta. Pse njerëzit mundohet ta lexojnë politikën si një show, me emra personash që hyjnë dhe dalin? Si shpjegohet që ne politikën nuk arrijmë ta zbërthejmë si politikë të forcave demokratike? Ne, në fund të fundit, jetojmë në demokraci, dhe sistemin nuk e ndërton një individ.
/vizionplus.tv
