Lami në “7pa5”: PD ka mbështetjen popullore, por jo atë të ndërkombëtarëve

Analisti Roland Lami deklaroi se Partia Demokratike ka marrë mbështetjen popullore por ende nuk ka atë të faktorit ndërkombëtarë.

I ftuar në studion e emisionit të mëngjesit 7pa5, në Vizion Plus, Lami tha se djegia e mandateve nga ana e opozitës ishte një ide e gabuar, pasi opozitarët edhe pse patën të drejtë, sipas tij, në kauzën e tyre, morën një veprim të rrezikshëm që ndërkombëtarët nuk mundën ta mbështetin pasi do të kthehej në precedent për vitet e ardhshme.

Ndërsa sa i takon aksionit të opozitës, Lami tha se ajo është duke pritur vendimin e Komisionit të Venecias për Metën dhe atë të negociatave. Sipas tij, të dyja palët, si qeveria ashtu dhe mazhoranca nuk po ndërmarrin veprime konkrete pasi I druhen syrit të ndërkombëtarëve.