E shtunë, 21 Nëntor 2026 Fat i Hidhur deri në 16:30 Në vijim ora 16:30: Takohemi N'vizion Reklamo Kontakt Karriera
Vizion Plus
Breaking përditësuar 1 sekondë më parë
Video · Vendi

Korçë, rritet çmimi i ujit

Rritet me 7 leke për metër kub çmimi i ujit te pijshëm për konsumatorët familjare dhe institucionet publike,  ndërsa per bizneset private nuk ndryshon.

 

Shtrenjtimi  me 10 përqind është vendosur ne mbledhjen e Këshillit Bashkiak, ku LSI ka bashkuar votat me PS.  Rritje do te kenë edhe tarifat e largimit te ujerave të përdorura me 8 leke për familjaret, institucionet publike dhe bizneset.

 

Reklamë

Ndryshimi do te përfshije edhe njësite administrative, ujësjellësi i te cilave menaxhohet nga shoqëria aksionare ujësjellës kanalizime Korçe.

 

Propozimi për planin e ri tarifor i është bere këshillit bashkiak nga ujësjellësi, pasi ndërmarrja duhet te shlyeje kreditë e marra. Drejtoresha tregtare Elia Pendavinji, tha se kompania po përballet me vështirësi financiare.

 

Ndryshimi i tarifave nuk është mirëpritur nga këshilltarët e djathte, te cilët nuk e kane votuar propozimin.

 

Ndërsa kryetari i bashkisë Sotiraq Filo u shpreh se investimet ne rrjet janë votuar nga këshilli dhe se rritja e tarifave është parashikuar qe ne kohen kur u be ujësjellësi i ri i Korçës.

 

 

Çmimet e reja do te duhet te miratohen nga Enti Rregullator i Ujit për miratim përpara se të vihen në zbatim.

 

Më shumë video

Reklamë